Man Utd ស្គាល់ជ័យជំនះ Arsenal ឡើងឈរលើកកំពូលតារាងឯ Liverpool ចាញ់ដើមឆ្នាំ

បន្ទាប់ពីរាំងស្ងួតគ្រាប់បាល់ដោយមិនដែលស្គាល់ពីថាឈ្នះសោះចុងឆ្នាំ២០១៥។ Man Utd ដែលខកខានឈ្នះ៨ប្រកួតចុងក្រោយកាលឆ្នាំ២០១៥ បាននាំមុខមុននៅនាទី៤៧ ដោយការតែតរបស់ខ្សែប្រយុទ្ធ Anthony Martial ប៉ុន្តែត្រូវ Gylfi Sigurdsson តែតឲ្យ Swansea តាមស្មើ ១-១ វិញនៅនាទី៧០ មុនពេល Rooney ស៊ុតវាយកែងគ្រាប់ជ័យជម្នះនៅនាទី៧៧ ក្រោយការបញ្ជូនពីជើង Martialធ្វើឲ្យ Manchester United បានស្គាល់ពាក្យថា “ឈ្នះ” វិញហើយ នៅដើមឆ្នាំថ្មី២០១៦នេះ ។

ចំណែកកាំភ្លើងធំ Arsenal បានយកឈ្នះ Newcastle United ១-០ឡើងឈរកំពូលតារាង ដោយនាំមុខគេ២ពិន្ទុដាច់ បន្ទាប់ពី Leicester City ស្មើ ០-០ ទល់នឹង Bournemouth យប់មិញ។គួរកត់សម្គាល់ថា Leicester City ហាក់ធ្លាក់ទម្រង់ប្រយុទ្ធវិញហើយ បន្ទាប់ពី៣ប្រកួតចុងក្រោយ ស៊ុតគេអត់បាន១គ្រាប់សោះ។

ងាកមកLiverpool វិញបានចាញ់ West Ham ២-០ ទៀតហើយជាលើកដំបូងរយៈពេល៥២ឆ្នាំ បើគិតតាំងពីរដូវកាល១៩៦៣-៦៤មក។ដែល Liverpool ចាញ់ West Ham ទាំងក្នុងនិងក្រៅដី (រដូវកាលនេះ)។