Leicester City ឡើងទៅឈរនៅកំពូលតារាងក្រោយជ័យជម្នះលើក្រុមតោខៀវ

Leicester City ឡើងទៅឈរនៅកំពូលតារាងលីកកំពូលអង់គ្លេស Premier Leagueក្រោយជ័យជម្នះលើក្រុមតោខៀវ ២-១យប់មិញ។

ខ្សែប្រយុទ្ធ Vardyជាអ្នករកគ្រាប់បាល់បានមុននៅនាទីទី៣៣ក្រោមការបញ្ជូនបាលកាត់ចូលដោយ Riyad Mahrezហើយនៅនាទីទី៤៧ ខ្សែបម្រើប្រយុទ្ធ Mahrez ដដែលបានថែមមួយគ្រាប់ទៀត ដោយមានការបញ្ជូនបាល់ពី Marc Albrighton ធ្វើឲ្យ Leicester City នាំមុខភ្ញៀវ២-០ត្រឹមនាទីទី៤៧ ។ ក្រុមភ្ញៀវតោខៀវ Chelsea ខិតខំវាយសម្រុកវិញផងដែររហូតដល់នាទីទី៧៦ ទើបរកបានមួយគ្រាប់វិញ ដោយកីឡាករ Remy ក្រោមការបញ្ជូនពី Pedro ហើយលទ្ធផលនេះបានបន្តរហូតចប់ការប្រកួត។

ជ័យជម្នះនេះធ្វើឲ្យ Leicester City ឡើងទៅឈរនៅកំពូលតារាងលីកកំពូលអង់គ្លេស Premier Leagueមាន៣៥ពិន្ទុ តាមពីក្រោយដោយកាំភ្លើងធំ Arsenal មាន៣៣ពិន្ទុ Man City មាន៣២ពិន្ទុ និង Man Utd មាន២៩ពិន្ទុ។