Mourinho ចាប់អារម្មណ៍តំណែងនៅ Man Utd ជាជាងត្រលប់ទៅ Real

បន្ទាប់ពីត្រូវបណ្តេញចេញ Jose Mourinho ត្រូវបាន Real Madrid ទាក់ទងត្រលប់ទៅអេស្ប៉ាញវិញដើម្បីសំនួសលោកBenetezដែលដឹកនាំក្រុមមិនស្រូវល្អ។តែប៉ុន្មានថ្ងៃចុងក្រោយនេះមានពាក្យលេចលឺថាJose Mourinhoចាប់អារម្មណ៍តំណែងជាអ្នកគ្រប់គ្រងនៅបិសាចក្រហមMan Utdទោះបីពេលនេះក្រុមចាស់របស់លោក Real Madrid បានបង្ហាញពីការចាប់អារម្មណ៍យ៉ាងណាក៏ដោយ។

ស្របកៅអីរបស់លោកគ្រូបង្វឹក Louis van Gaal កំពុងតែក្តៅកាន់តែខ្លាំងឡើង បន្ទាប់ពីបរាជ័យក្នុងផ្ទះក្រោមថ្វីជើងរបស់ក្រុម Norwich ដោយលទ្ធផល ២-១ កាលពីថ្ងៃសៅរ៍កន្លងទៅ។ហើយ បន្ទាប់ពី៦ប្រកួតចុងក្រោយរបស់ Man Utd មិនឈ្នះសោះ ចាញ់៣ប្រកួតចុងក្រោយជាប់ៗគ្នា និងតាំងពីធ្លាក់ចេញពី UEFA Champions League មក។ មានពាក្យចចាមអារ៉ាមថា បើ Man Utd ចាញ់ Stoke City នៅសប្ដាហ៍ក្រោយទៀត នោះអ្នកចាត់ការសញ្ជាតិហូឡង់រូបនេះ នឹងត្រូវអស់តំណែង។

អតីតគ្រូបង្វឹកក្រុម Real Madrid Inter Milan និងតោខៀវ Chelsea រូបនេះតាមដឹងត្រូវបានគេទាក់ទងឲ្យមកដឹកនាំនៅ Old Trafford ភ្លាមបន្ទាប់ពីត្រូវ Chelsea បណ្តេញចេញ ហើយគាត់ក៏ចង់ស្ថិតនៅក្នុងប្រទេសអង់គ្លេសបន្តទៀតដែរ។ គាត់គ្មានអារម្មណ៍ចង់សម្រាកពីបាល់ទាត់ទេហើយប្រសិនបើការងារនៅ Manchester United ទំនេរ គាត់នឹងរីករាយក្នុងការចូលមកដឹកនាំក្រុមនេះភ្លាម។ម៉្យាងវិញទៀត Mourinho ខ្លួនឯងផ្ទាល់តែងមានក្ដីស្រមៃលាក់ក្នុងចិត្តយូរណាស់ហើយ ដើម្បីចង់ដឹកនាំក្រុមបិសាចក្រហម Man Utd ហើយក៏ធ្លាប់ជាបេក្ខភាពត្រៀមជំនួស Sir Alex Ferguson កាលឆ្នាំ២០១៣ មុននឹងជ្រើសរើសយក David Moyesដោយសារកាលនោះ Mourinho ជាប់ដឹកនាំ Real Madrid ៕

គួរបញ្ជាក់ថាគ្រូបង្វឹកសញ្ជាតិព័រទុយហ្គាល់រូបនេះត្រូវបានក្លឹបតោខៀវ Chelsea បណ្តេញចេញកាលពីថ្ងៃព្រហស្បតិ៍ ប៉ុន្តែគាត់បានប្រកាសពីចេតនារបស់គាត់ក្នុងការវិលត្រឡប់ចូលពិភពបាល់ទាត់វិញឆាប់ៗនេះ។

ប្រភព៖Mirror & Telegraph

Man Utd បន្តចាញ់ធ្លាក់ទៅលេខ៥ខណៈកៅអីលោក Van Gaal កាន់តែក្តៅ

៧ខែបន្ទាប់ពីឈ្នះពានPremier League Mourinhoត្រូវបានបណ្តេញចេញ