Leicester Cityឡើងឈរកំពូលតារាងសារជាថ្មីខណៈដែលArsenalឡើងមកលេខ២

ការប្រកួត Premier League បានឈានដល់សប្តាហ៍ទី១៥ហើយក្រុម Leicester City នៅតែបន្តឈ្នះឡើងមកឈរលើកំពូលតារាងមិនបន្ទាប់ពីឈ្នះ Swansea City កាលពីយប់មិញនៅកីឡដ្ឋានLibertyដោយលទ្ធផល ៣ទល់០។

បីគ្រាប់របស់ Leicester City ធ្វើបានដោយកីឡាករ Riyad Mahrez ទាំង៣គ្រាប់ជួយឲ្យ Leicester City បាន៣ពិន្ទុបន្ថែមឡើងឈលេខ១មាន៣២ពិន្ទុក្រោយMan City ចាញ់ Stoke City ២ទល់០ ខណៈបិសាចក្រហមMan Utd បានត្រឹមស្មើជាមួយWest Hamនៅក្នុងផ្ទះ។

ងាកមកមើលក្រុមArsenalរបស់លោក Wenger វិញទោះមានកីឡាកររបួសច្រើនក៏នៅតែអាចរកជ័យជំនះក្នុងផ្ទះបានក្រោយបំបាក់ក្រុមលេខ៣បាតតារាងSunderlandនៅកីឡដ្ឋាន Emirates Stadium ដោយលទ្ធផល ៣ទល់១ ទទួលបាន៣បន្ថែមឡើងឈរលេខ ២មាន៣០ពិន្ទុតាមពីក្រោយដោយMan CityនិងMan Utd មាន២៩ពិន្ទុដូចគ្នា។

៣គ្រាប់របស់កាំភ្លើងធំធ្វើបានដោយកីឡាករ Joel Campbell នៅនាទី៣៣ កីឡាករ Olivier Giroudនៅនាទី៦៣និងគ្រាប់ចុងក្រោយធ្វើបានមុនចប់ការប្រកួតនៅនាទី៩០ដោយAarom Ramseyចំណែកមួយគ្រាប់របស់Sunderlandក៏ធ្វើបានដោយកីឡាកររបស់ArsenalដែរគឺកីឡាករOlivier Giroudធ្វើឲ្យចូលទីខ្លួនឯង។